ഭീകരർ പുരാതന ക്രിസ്ത്യൻ മഠം കയ്യേറി

ഇറാഖിൽ ഐ, എസ് ,ഐ ,എസ് ഭീകരർ പുരാതന ക്രിസ്ത്യൻ മഠം കയ്യേറി.

മൊസൂൾ : വടക്കൻ ഇറാഖിൽ ഐ എസ് ഐ എസ് ഭീകരർ പുരാതന ക്രിസ്ത്യൻ മഠം കയ്യേറി , മുഴുവൻ വൈദികരേയും ഒഴിപ്പിച്ചു . ക്വാറക്കോഷിനു സമീപമുള്ള മാർ ബെഹ്നാം മഠമാണ് ഭീകരർ കയ്യേറിയത് .

മതം മാറിയില്ലെങ്കിൽ മൊസൂളിൽ നിന്നൊഴിഞ്ഞു പോകാൻ ക്രിസ്ത്യാനികൾക്ക് ഭീകരർ അന്ത്യശാസനം നൽകിയിരുന്നു . അന്ത്യശാസനത്തിന്റെ സമയ പരിധി കഴിഞ്ഞപ്പോൾ മുതൽ ക്രിസ്ത്യൻ സ്ഥാപനങ്ങൾക്കെതിരെയുള്ള ആക്രമണങ്ങൾ ഭീകരർ ശക്തമാക്കി. വിലപ്പെട്ടതൊന്നും എടുക്കാ‍നാകാതെ മഠം വിടേണ്ടി വന്ന വൈദികരെ കുർദ്ദിഷ് സേനാംഗങ്ങളാണ് സുരക്ഷിത സ്ഥാനത്തേക്കെത്തിച്ചതെന്ന് ബി ബി സി റിപ്പോർട്ട് ചെയ്തു .